Şiir 3
haec sine fletibus et gemitu
laeta canebat et intrepida;
dirus abest dolor ex animo,
membraque picta cruore novo
fonte cutem recalente lavant.
145
ultima carnificina dehinc,
crate tenus nec arata cutis,
flamma sed undique lampadibus
in latera stomachumque furit.
150
crinis odorus ut in iugulos
fluxerat involitans umeris,
virgineusque lateret honos,
tegmine verticis opposito,
155
flamma crepans volat in faciem
perque comas vegetata caput
occupat exsuperatque apicem;
virgo citum cupiens obitum
appetit et bibit ore rogum.
160
