Şiir 14
tum trux tyrannus: si facile est, ait,
‘poenam subactis ferre doloribus
et vita vilis spernitur, at pudor
carus dicatae virginitatis est.
hanc in lupanar trudere publicum
25
certum est, ad aram ni caput applicat
ac de Minerva iam veniam rogat,
quam virgo pergit temnere virginem,
omnis iuventus inruet et novum
ludibriorum mancipium petet.’
30
haud, inquit Agnes, ‘inmemor est ita
Christus suorum, perdat ut aureum
nobis pudorem, nos quoque deserat.
praesto est pudicis nec patitur sacrae
integritatis munera pollui.
35
ferrum inpiabis sanguine, si voles,
non inquinabis membra libidine.’
sic elocutam publicitus iubet
flexu in plateae sistere virginem.
stantem refugit maesta frequentia,
40
