Thesauros › Edebiyat › biography › Nero

Nero

←
Nero Suetonius
İngilizce LAT
Bölümler
1.1 – 2.1 2.2 – 3.1 3.2 – 5.1 5.2 – 6.2 6.3 – 6.4 7.1 – 7.2 8.1 – 10.1 10.2 – 11.2 12.1 – 12.3 12.4 – 14.1 15.1 – 16.1 16.2 – 18.1 19.1 – 20.1 20.2 – 21.1 21.2 – 22.1 22.2 – 23.1 23.2 – 23.3 24.1 – 25.1 25.2 – 26.1 26.2 – 27.3 28.1 – 28.2 29.1 – 30.2 30.3 – 31.2 31.3 – 32.2 32.3 – 33.1 33.2 – 34.1 34.2 – 34.3 34.4 – 35.1 35.2 – 35.4 35.5 – 36.1 36.2 – 37.2 37.3 – 38.1 38.2 – 39.1 39.2 – 40.1 40.2 – 40.4 41.1 – 41.2 42.1 – 43.1 43.2 – 44.2 45.1 – 46.2 46.3 – 47.2 47.3 – 48.2 48.3 – 49.1 49.2 – 49.4 50.1 – 51.1 52.1 – 53.1 54.1 – 57.1 57.2 – 57.2
İngilizce Latince
25.2 dehinc diruto circi maximi arcu per Velabrum forumque Palatium et Apollinem petit. incedenti passim uictimae caesae sparso per uias identidem croco ingestaeque aues ac lemnisci et bellaria. sacras coronas in cubiculis circum lectos posuit, item statuas suas citharoedico habitu, qua nota etiam nummum percussit ac post haec tantum afuit a remittendo laxandoque studio,
25.3 ut conseruandae uocis gratia neque milites umquam, nisi absens aut alio uerba pronuntiante, appellaret neque quicquam serio iocoue egerit, nisi astante phonasco, qui moneret parceret arteriis ac sudarium ad os applicaret; multisque uel amicitiam suam optulerit uel simultatem indixerit, prout quisque se magis parciusue laudasset.
26.1 Petulantiam, libidinem, luxuriam, auaritiam, crudelitatem sensim quidem primo et occulte et uelut iuuenili errore exercuit, sed ut tunc quoque dubium nemini foret naturae illa uitia, non aetatis esse. post crepusculum statim adrepto pilleo uel galero popinas inibat circumque uicos uagabatur ludibundus nec sine pernicie tamen, siquidem redeuntis a cena uerberare ac repugnantes uulnerare cloacisque demergere assuerat, tabernas etiam effringere et expilare; quintana domi constituta, ubi partae et ad licitationem diuidendae praedae pretium absumeretur.
← Önceki 19 / 47 Sonraki →

Agora Sokakları

Symposion Agora CAT Silenos Khaire Kerameikos Yayınlar Angelos Keryks Skolia Sepet Docs

Üyelik

Dil ve Tema

Dil Seçimi
TR EN
Tema Seçimi