Νικίας

Bölümler

1.1 – 1.3 1.4 – 2.1 2.2 – 3.1 3.2 – 3.4 3.5 – 4.1 4.2 – 4.4 4.5 – 5.2 5.2 – 5.4 6.1 – 6.3 6.4 – 6.6 7.1 – 7.3 7.4 – 8.1 8.2 – 9.2 9.2 – 9.4 9.5 – 10.1 10.2 – 10.4 10.5 – 10.8 11.1 – 11.3 11.4 – 11.6 11.7 – 12.2 12.3 – 13.1 13.2 – 13.5 13.6 – 14.2 14.3 – 14.5 14.6 – 15.3 15.4 – 16.3 16.4 – 16.7 16.8 – 17.4 17.5 – 18.3 18.4 – 18.6 18.7 – 19.3 19.4 – 19.6 19.7 – 20.2 20.3 – 20.5 21.1 – 21.3 21.4 – 21.7 21.8 – 22.2 22.3 – 23.2 23.2 – 23.5 23.6 – 24.3 24.4 – 25.2 25.3 – 26.3 26.3 – 26.6 27.1 – 27.4 27.5 – 28.2 28.2 – 28.5 29.1 – 29.3 30.1 – 30.2

İngilizce Yunanca

6.4 Νικίας δὲ τούτων ἁπάντων ἀναίτιος ἔμεινε· καὶ στρατηγῶν εἷλε μὲν Κύθηρα, νῆσον εὖ κατὰ τῆς Λακωνικῆς πεφυκυῖαν καὶ Λακεδαιμονίους ἔχουσαν οἰκήτορας, ἔλαβε δὲ καὶ πολλὰ τῶν ἐπὶ Θρᾴκης ἀφεστώτων καὶ προσηγάγετο, κατακλείσας δὲ Μεγαρεῖς εἰς τὴν πόλιν εὐθὺς μὲν ἔσχε Μίνῶαν τὴν νῆσον, ὀλίγῳ δʼ ὕστερον ἐκ ταύτης ὁρμώμενος Νισαίας ἐκράτησεν, εἰς δὲ τὴν Κορινθίαν ἀποβὰς ἐνίκησε μάχῃ καὶ διέφθειρε Κορινθίων πολλοὺς καὶ Λυκόφρονα τὸν στρατηγόν.

6.5 ἔθα δʼ αὐτῷ συνέβη τῶν οἰκείων δύο νεκροὺς ἀπολιπεῖν διαλαθόντας περὶ τὴν ἀναίρεσιν. ὡς οὖν τοῦτʼ ἔγνω, τάχιστα τὸν στόλον ἐπιστήσας ἔπεμψε κήρυκα πρὸς τοὺς πολεμίους περὶ ἀναιρέσεως. καίτοι κατὰ νόμον τινὰ καὶ συνήθειαν ἐδόκουν οἱ νεκρῶν ὑποσπόνδων λαβόντες ἀναίρεσιν ἀπολέγεσθαι τὴν νίκην, καὶ τρόπαιον ἱστάναι τοὺς τούτου τυχόντας οὐκ ἔνθεσμον ἦν· νικᾶν γὰρ τοὺς κρατοῦντας, μὴ κρατεῖν δὲ τοὺς αἰτοῦντας, ὡς λαβεῖν μὴ δυναμένους.

6.6 ἀλλʼ ὅμως ἐκεῖνος ὑπέμεινε μᾶλλον προέσθαι τὸ νίκημα καὶ τὴν δόξαν ἢ καταλιπεῖν ἀτάφους δύο τῶν πολιτῶν.

6.6 πορθήσας δὲ τὴν παραλίαν τῆς Λακωνικῆς καὶ τοὺς ἀντιστάντας Λακεδαιμονίων τρεψάμενος, εἷλε Θυρέαν Αἰγινητῶν ἐχόντων, καὶ τοὺς αἱρεθέντας ἀπήγαγε ζῶντας εἰς Ἀθήνας.

← Önceki 10 / 48 Sonraki →

Şifre Yenileme