Λύσανδρος

Bölümler

1.1 – 2.2 2.3 – 3.1 3.2 – 4.2 4.3 – 5.1 5.2 – 5.5 6.1 – 6.4 6.5 – 7.1 7.2 – 8.1 8.2 – 9.1 9.2 – 9.5 10.1 – 10.4 10.5 – 11.3 11.4 – 11.7 12.1 – 12.3 12.4 – 13.1 13.2 – 13.4 13.5 – 14.3 14.4 – 15.1 15.2 – 15.4 15.5 – 16.1 16.2 – 17.2 17.3 – 17.5 17.6 – 18.3 18.4 – 19.2 19.3 – 19.5 19.6 – 20.2 20.3 – 20.6 21.1 – 21.4 22.1 – 22.4 22.5 – 23.2 23.3 – 23.5 23.6 – 23.9 24.1 – 24.4 24.5 – 25.3 25.4 – 26.2 26.3 – 27.1 27.2 – 28.1 28.2 – 28.4 28.5 – 29.1 29.2 – 29.5 29.6 – 30.2 30.3 – 30.5

İngilizce Yunanca

12.1 ἦσαν δέ τινες οἱ τοὺς Διοσκούρους ἐπὶ τῆς Λυσάνδρου νεὼς ἑκατέρωθεν, ὅτε τοῦ λιμένος ἐξέπλει πρῶτον ἐπὶ τοὺς πολεμίους, ἄστρα τοῖς οἴαξιν ἐπιλάμψαι λέγοντες. οἱ δὲ καὶ τὴν τοῦ λίθου πτῶσιν ἐπὶ τῷ πάθει τούτῳ σημεῖόν φασι γενέσθαι· κατηνέχθη γάρ, ὡς ἡ δόξα τῶν πολλῶν, ἐξ οὐρανοῦ παμμεγέθης λίθος εἰς Αἰγὸς ποταμούς. καὶ δείκνυται μὲν ἔτι νῦν,

12.2 σεβομένων αὐτὸν τῶν Χερρονησιτῶν· λέγεται δὲ Ἀναξαγόραν προειπεῖν ὡς τῶν κατὰ τὸν οὐρανὸν ἐνδεδεμένων σωμάτων, γενομένου τινὸς ὀλισθήματος ἢ σάλου, ῥῖψις ἔσται καὶ πτῶσις ἑνὸς ἀπορραγέντος· εἶναι δὲ καὶ τῶν ἄστρων ἕκαστον οὐκ ἐν ᾗ πέφυκε χώρᾳ· λιθώδη γὰρ ὄντα καὶ βαρέα λάμπειν μὲν ἀντερείσει καὶ περικλάσει τοῦ αἰθέρος, ἕλκεσθαι δὲ ὑπὸ βίας σφιγγόμενα δίνῃ καὶ τόνῳ τῆς περιφορᾶς, ὥς που καὶ τὸ πρῶτον ἐκρατήθη μὴ πεσεῖν δεῦρο, τῶν ψυχρῶν καὶ βαρέων ἀποκρινομένων τοῦ παντός.

12.3 ἔστι δέ τις πιθανωτέρα δόξα ταύτης, εἰρηκότων ἐνίων ὡς οἱ διᾴττοντες ἀστέρες οὐ ῥύσις εἰσὶν οὐδʼ ἐπινέμησις αἰθερίου πυρὸς ἐν ἀέρι κατασβεννυμένου περὶ τὴν ἔξαψιν αὐτήν, οὐδὲ ἀέρος εἰς τὴν ἄνω χώραν πλήθει λυθέντος ἔκπρησις καὶ ἀνάφλεξις, ῥῖψις δὲ καὶ πτῶσις οὐρανίων σωμάτων οἷον ἐνδόσει τινὶ τόνου καὶ περιτρόπουπεριτρόπου the correction of Coraës: παρατρόπου (unusual). κινήσεως ἐκπαλῶν φερομένων οὐ πρὸς τὸν οἰκούμενον τόπον τῆς γῆς, ἀλλὰ τῶν πλείστων ἐκτὸς εἰς τὴν μεγάλην ἐκπιπτόντων θάλατταν· διὸ καὶ λανθάνουσι.

← Önceki 14 / 42 Sonraki →

Şifre Yenileme