Θεμιστοκλῆς

Bölümler

1.1 – 2.1 2.2 – 2.3 2.4 – 2.6 3.1 – 3.3 3.4 – 4.2 4.3 – 5.2 5.2 – 5.5 6.1 – 7.1 7.2 – 7.5 7.5 – 8.2 8.2 – 9.1 9.2 – 9.4 10.1 – 10.3 10.4 – 10.6 11.1 – 11.3 11.4 – 12.2 12.3 – 12.6 12.7 – 13.2 13.3 – 14.2 14.3 – 15.1 15.2 – 16.2 16.3 – 16.5 17.1 – 18.1 18.2 – 18.4 18.5 – 19.2 19.3 – 20.2 20.3 – 21.2 21.3 – 22.1 22.2 – 23.1 23.2 – 23.4 24.1 – 24.3 24.4 – 25.2 25.3 – 26.2 26.3 – 27.1 27.2 – 27.5 28.1 – 28.4 29.1 – 29.3 29.4 – 29.6 29.7 – 30.2 30.3 – 31.2 31.3 – 31.5 32.1 – 32.4 32.5 – 32.5

İngilizce Yunanca

22.2 πλησίον δὲ τῆς οἰκίας κατεσκεύασεν ἐν Μελίτῃ τὸ ἱερὸν, οὗ νῦν τὰ σώματα τῶν θανατουμένων οἱ δήμιοι προβάλλουσι καὶ τὰ ἱμάτια καὶ τοὺς βρόχους τῶν ἀπαγχομένων καὶ καθαιρεθέντων ἐκφέρουσιν. ἔκειτο δὲ καὶ τοῦ Θεμιστοκλέους εἰκόνιον ἐν τῷ ναῷ τῆς Ἀριστοβούλης ἔτι καθʼ ἡμᾶς· καὶ φαίνεταί τις οὐ τὴν ψυχὴν μόνον, ἀλλὰ καὶ τὴν ὄψιν ἡρωϊκὸς γενόμενος.

22.3 τὸν μὲν οὖν ἐξοστρακισμὸν ἐποιήσαντο κατʼ αὐτοῦ κολούοντες τὸ ἀξίωμα καὶ τὴν ὑπεροχήν, ὥσπερ εἰώθεσαν ἐπὶ πάντων, οὓς ᾤοντο τῇ δυνάμει βαρεῖς καὶ πρὸς ἰσότητα δημοκρατικὴν ἀσυμμέτρους εἶναι. κόλασις γὰρ οὐκ ἦν ὁ ἐξοστρακισμός, ἀλλὰ παραμυθία φθόνου καὶ κουφισμὸς ἡδομένου τῷ ταπεινοῦν τοὺς ὑπερέχοντας καὶ τὴν δυσμένειαν εἰς ταύτην τὴν ἀτιμίαν ἀποπνέοντος.

23.1 ἐκπεσόντος δὲ τῆς πόλεως αὐτοῦ καὶ διατρίβοντος ἐν Ἄργει τὰ περὶ Παυσανίαν συμπεσόντα κατʼ ἐκείνου παρέσχε τοῖς ἐχθροῖς ἀφορμάς. ὁ δὲ γραψάμενος αὐτὸν προδοσίας Λεωβώτης ἦν ὁ Ἀλκμαίωνος Ἀγραυλῆθεν, ἅμα συνεπαιτιωμένων τῶν Σπαρτιατῶν. ὁ γὰρ Παυσανίας πράττων ἐκεῖνα δὴ τὰ περὶ τὴν προδοσίαν πρότερον μὲν ἀπεκρύπτετο τὸν Θεμιστοκλέα, καίπερ ὄντα φίλον·

← Önceki 29 / 43 Sonraki →

Şifre Yenileme