Λυκοῦργος

Bölümler

1.1 – 1.3 1.4 – 2.2 2.3 – 3.2 3.3 – 3.5 4.1 – 4.3 4.4 – 5.1 5.2 – 5.4 5.5 – 5.7 5.8 – 6.1 6.2 – 6.3 6.4 – 7.1 7.2 – 8.1 8.2 – 8.4 9.1 – 9.3 9.4 – 10.2 10.3 – 11.2 11.3 – 12.1 12.2 – 12.5 12.6 – 13.1 13.2 – 13.5 13.5 – 14.1 14.2 – 14.4 15.1 – 15.3 15.4 – 15.6 15.7 – 15.9 15.10 – 16.2 16.3 – 16.5 16.6 – 17.1 17.2 – 17.4 17.5 – 18.2 18.3 – 18.4 19.1 – 19.3 19.4 – 20.2 20.3 – 20.5 20.6 – 21.2 21.3 – 22.1 22.2 – 22.4 22.5 – 23.2 24.1 – 24.4 25.1 – 25.4 25.5 – 26.2 26.3 – 27.1 27.2 – 27.4 28.1 – 28.4 28.4 – 29.1 29.2 – 29.4 29.5 – 30.1 30.2 – 30.4 30.5 – 31.1 31.2 – 31.4 31.5 – 31.5

İngilizce Yunanca

15.1 ἦν μὲν οὖν καὶ ταῦτα παρορμητικὰ πρὸς γάμον λέγω δὲ τὰς πομπὰς τῶν παρθένων καὶ τὰς ἀποδύσεις καὶ τοὺς ἀγῶνας ἐν ὄψει τῶν νέων, ἀγομένων οὐ γεωμετρικαῖς, ἀλλʼ ἐρωτικαῖς, ὥς φησιν ὁ Πλάτων, ἀνάγκαις· οὐ μὴν ἀλλὰ καὶ ἀτιμίαν τινὰ προσέθηκε τοῖς ἀγάμοις. εἴργοντο γὰρ ἐν ταῖς γυμνοπαιδίαις τῆς θέας· τὸν δὲ χειμῶνος οἱ μὲν ἄρχοντες αὑτοὺς ἐκέλευον ἐν κύκλῳ γυμνοὺς περιϊέναι τὴν ἀγοράν,

15.2 οἱ δὲ περιϊόντες ᾖδον εἰς αὑτοὺς ᾠδήν τινα πεποιημένην, ὡς δίκαια πάσχοιεν, ὅτι τοῖς νόμοις ἀπειθοῦσι· τιμῆς δὲ καὶ θεραπείας ἣν νέοι πρεσβυτέροις παρεῖχον, ἐστέρηντο. ὅθεν καὶ τὸ πρὸς Δερκυλλίδαν ῥηθὲν οὐδεὶς ἐμέμψατο, καίπερ εὐδόκιμον ὄντα στρατηγόν. ἐπιόντι γὰρ αὐτῷ τῶν νεωτέρων τις ἕδρας οὐχ ὑπεῖξεν, εἰπών, οὐδὲ γὰρ ἐμοὶ σὺ τὸν ὑπείξοντα γεγέννηκας.

15.3 ἐγάμουν δὲ διʼ ἁρπαγῆς, οὐ μικρὰς Οὐδὲ ἀώρους πρὸς γάμον, ἀλλὰ καὶ ἀκμαζούσας καὶ πεπείρους. τὴν δὲ ἁρπασθεῖσαν ἡ νυμφεύτρια καλουμένη παραλαβοῦσα, τὴν μὲν κεφαλὴν ἐν χρῷ περιέκειρεν, ἱματίῳ δὲ ἀνδρείῳ καὶ ὑποδήμασιν ἐνσκευάσασα κατέκλινεν ἐπὶ στιβάδα μόνην ἄνευ φωτός. ὁ δὲ νυμφίος οὐ μεθύων Οὐδὲ θρυπτόμενος, ἀλλὰ νήφων, ὥσπερ ἀεί, δεδειπνηκὼς ἐν τοῖς φιδιτίοις, παρεισελθὼν ἔλυε τὴν ζώνην καὶ μετήνεγκεν ἀράμενος ἐπὶ τὴν κλίνην.

← Önceki 23 / 51 Sonraki →

Şifre Yenileme