Ῥωμύλος

Bölümler

1.1 – 1.4 2.1 – 2.3 2.4 – 3.1 3.2 – 3.5 4.1 – 4.3 5.1 – 5.4 5.5 – 6.2 6.3 – 7.3 7.3 – 7.6 7.7 – 8.3 8.4 – 8.6 8.7 – 9.2 9.3 – 9.6 9.7 – 10.2 11.1 – 11.3 12.1 – 12.4 12.5 – 13.1 13.2 – 13.4 13.5 – 14.1 14.2 – 14.5 14.6 – 15.2 15.2 – 15.5 16.1 – 16.4 16.5 – 16.7 16.8 – 17.2 17.3 – 17.4 17.5 – 18.2 18.3 – 18.6 18.7 – 19.3 19.4 – 19.7 20.1 – 20.4 20.5 – 21.1 21.2 – 21.4 21.5 – 21.8 22.1 – 22.4 23.1 – 23.4 23.5 – 24.2 24.3 – 25.2 25.3 – 25.5 26.1 – 27.1 27.2 – 27.5 27.6 – 27.8 28.1 – 28.3 28.4 – 28.6 28.7 – 29.1 29.2 – 29.4 29.5 – 29.7

İngilizce Yunanca

16.1 οἱ δὲ Σαβῖνοι πολλοὶ μὲν ἦσαν καὶ πολεμικοί, κώμας δʼ ᾤκουν ἀτειχίστους, ὡς προσῆκον αὐτοῖς μέγα φρονεῖν καὶ μὴ φοβεῖσθαι, Λακεδαιμονίων ἀποίκοις οὖσιν.

16.2 οὐ μὴν ἀλλʼ ὁρῶντες αὑτοὺς ἐνδεδεμένους μεγάλοις ὁμηρεύμασι, καὶ δεδιότες περὶ τῶν θυγατέρων, πρέσβεις ἀπέστειλαν ἐπιεικῆ καὶ μέτρια προκαλούμενοι, τὸν Ῥωμύλον ἀποδόντα τὰς κόρας αὐτοῖς καὶ λύσαντα τὸ τῆς βίας ἔργον, εἶτα πειθοῖ καὶ νόμῳ πράττειν τοῖς γένεσι φιλίαν καὶ οἰκειότητα. τοῦ δὲ Ῥωμύλου τὰς μὲν κόρας μὴ προιεμένου, παρακαλοῦντος δὲ τὴν κοινωνίαν δέχεσθαι τοὺς Σαβίνους,

16.3 οἱ μὲν ἄλλοι βουλευόμενοι καὶ παρασκευαζόμενοι διέτριβον, Ἄκρων δὲ βασιλεὺς Καινινητῶν, ἀνὴρ θυμοειδὴς καὶ δεινὸς ἐν τοῖς πολεμικοῖς, τά τε πρῶτα τολμήματα τοῦ Ῥωμύλου διʼ ὑποψίας εἶχε, καὶ τῷ πραχθέντι περὶ τὰς γυναῖκας ἤδη φοβερὸν ἡγούμενος πᾶσιν εἶναι καὶ οὐκ ἀνεκτὸν εἰ μὴ κολασθείη, προεξανέστη τῷ πολέμῳ καὶ μετὰ πολλῆς ἐχώρει δυνάμεως ἐπʼ αὐτόν, καὶ ὁ Ῥωμύλος ἐπʼ ἐκεῖνον.

16.4 γενόμενοι δʼ ἐν ὄψει καὶ κατιδόντες ἀλλήλους προὐκαλοῦντο μάχεσθαι, τῶν στρατευμάτων ἐν τοῖς ὅπλοις ἀτρεμούντων. εὐξάμενος οὖν ὁ Ῥωμύλος, εἰ κρατήσειε καὶ καταβάλοι, τῷ Διὶ φέρων ἀναθήσειν αὐτὸς τὰ ὅπλα τοῦ ἀνδρός, αὐτόν τε καταβάλλει κρατήσας, καὶ τρέπεται τὸ στράτευμα μάχης γενομένης, αἱρεῖ δὲ καὶ τὴν πόλιν. οὐ μὴν ἠδίκησε τοὺς ἐγκαταληφθέντας, ἀλλʼ ἢ τὰς οἰκίας ἐκέλευσε καθελόντας ἀκολουθεῖν εἰς Ῥώμην, ὡς πολίτας ἐπὶ τοῖς ἴσοις ἐσομένους.

← Önceki 23 / 47 Sonraki →

Şifre Yenileme