Stasimon 4
[Episode]
ἀπόδος, ὦ φίλα, ’πόδος, ἵν’ ἀνταίαν
Ἑρμιόνη
ἐρείσω πλαγάν· τί με βρόχων εἴργεις;
Τροφός
ἀλλ’ εἴ σ’ ἀφείην μὴ φρονοῦσαν, ὡς θάνῃς;
845
ἢ κατὰ πόντον ἢ καθ’ ὕλαν ὀρέων,
ἵνα θανοῦσα νερτέροισιν μέλω;
850
Τροφός
τί ταῦτα μοχθεῖς; συμφοραὶ θεήλατοι
πᾶσιν βροτοῖσιν ἢ τότ’ ἦλθον ἢ τότε.
Ἑρμιόνη
ἔλιπες ἔλιπες, ὦ πάτερ, ἐπακτίαν
ὡσεὶ μονάδ’ ἔρημον οὖσαν ἐνάλου κώπας.
855
—ὀλεῖ ὀλεῖ με· τᾷδ’ οὐκέτ’ ἐνοικήσω
τίνος ἀγαλμάτων ἱκέτις ὁρμαθῶ;
ἢ δούλα δούλας γόνασι προσπέσω;
860
κυανόπτερος ὄρνις εἴθ’ εἴην,
σκάφος, ἃ διὰ Κυανέας ἐπέρασεν ἀκτὰς
