Parodos
[Choral 1]
ἰοὺ ἰοὺ πύπαξ. ἐπάθομεν, φίλαι,—
Χορός
ἦ πολλὰ δὴ παθοῦσα καὶ μάτην ἐγώ,—
ἐπάθομεν πάθος δυσαχές, ὦ πόποι,
145
ἐξ ἀρκύων πέπτωκεν οἴχεταί θʼ ὁ θήρ.—
ὕπνῳ κρατηθεῖσʼ ἄγραν ὤλεσα.
ἰὼ παῖ Διός, ἐπίκλοπος πέλῃ,—
νέος δὲ γραίας δαίμονας καθιππάσω,—
150
τὸν ἱκέταν σέβων, ἄθεον ἄνδρα καὶ
τὸν μητραλοίαν δʼ ἐξέκλεψας ὢν θεός.—
τί τῶνδʼ ἐρεῖ τις δικαίως ἔχειν;
[Choral 2]
ἐμοὶ δʼ ὄνειδος ἐξ ὀνειράτων μολὸν
155
Χορός
ἔτυψεν δίκαν διφρηλάτου
πάρεστι μαστίκτορος δαΐου δαμίου
160
βαρὺ τὸ περίβαρυ κρύος ἔχειν.
τοιαῦτα δρῶσιν οἱ νεώτεροι θεοί,
κρατοῦντες τὸ πᾶν δίκας πλέον
περὶ πόδα, περὶ κάρα.—
165
πάρεστι γᾶς ὀμφαλὸν προσδρακεῖν αἱμάτων
βλοσυρὸν ἀρόμενον ἄγος ἔχειν.
[Choral 3]
ἐφεστίῳ δὲ μάντις ὢν μιάσματι
Χορός
μυχὸν ἐχράνατʼ αὐτόσσυτος, αὐτόκλητος,
170
παρὰ νόμον θεῶν βρότεα μὲν τίων,
παλαιγενεῖς δὲ μοίρας φθίσας.
κἀμοί γε λυπρός, καὶ τὸν οὐκ ἐκλύσεται,
ὑπό τε γᾶν φυγὼν οὔ ποτʼ ἐλευθεροῦται.
175
ποτιτρόπαιος ὢν δʼ ἕτερον ἐν κάρᾳ
μιάστορʼ ἐκ γένους πάσεται.