Stasimon 5
[Episode]
καὶ μὴν ἔργῳ κοὐκέτι μύθῳ
1080
Προμηθεύς
χθὼν σεσάλευται·
βρυχία δʼ ἠχὼ παραμυκᾶται
βροντῆς, ἕλικες δʼ ἐκλάμπουσι
στεροπῆς ζάπυροι, στρόμβοι δὲ κόνιν
εἱλίσσουσι· σκιρτᾷ δʼ ἀνέμων
1085
πνεύματα πάντων εἰς ἄλληλα
στάσιν ἀντίπνουν ἀποδεικνύμενα·
ξυντετάρακται δʼ αἰθὴρ πόντῳ.
τοιάδʼ ἐπʼ ἐμοὶ ῥιπὴ Διόθεν
τεύχουσα φόβον στείχει φανερῶς.
1090
ὦ μητρὸς ἐμῆς σέβας, ὦ πάντων
αἰθὴρ κοινὸν φάος εἱλίσσων,
ἐσορᾷς μʼ ὡς ἔκδικα πάσχω.
