Stasimon 5
[Episode]
μετά ποι χωρεῖτʼ ἐκ τῶνδε θοῶς,
1060
Ἑρμῆς
μὴ φρένας ὑμῶν ἠλιθιώσῃ
βροντῆς μύκημʼ ἀτέραμνον.
Χορός
ἄλλο τι φώνει καὶ παραμυθοῦ μʼ
ὅ τι καὶ πείσεις· οὐ γὰρ δή που
τοῦτό γε τλητὸν παρέσυρας ἔπος.
1065
πῶς με κελεύεις κακότητʼ ἀσκεῖν;
μετὰ τοῦδʼ ὅ τι χρὴ πάσχειν ἐθέλω·
τοὺς προδότας γὰρ μισεῖν ἔμαθον,
τῆσδʼ ἥντινʼ ἀπέπτυσα μᾶλλον.
1070
Ἑρμῆς
ἀλλʼ οὖν μέμνησθʼ ἁγὼ προλέγω
μηδὲ πρὸς ἄτης θηραθεῖσαι
μέμψησθε τύχην, μηδέ ποτʼ εἴπηθʼ
ὡς Ζεὺς ὑμᾶς εἰς ἀπρόοπτον
πῆμʼ εἰσέβαλεν· μὴ δῆτʼ αὐταὶ δʼ
1075
κοὐκ ἐξαίφνης οὐδὲ λαθραίως
εἰς ἀπέρατον δίκτυον ἄτης
ἐμπλεχθήσεσθʼ ὑπʼ ἀνοίας.
