Parodos
[Episode]
ἁβροδιαίτων δʼ ἕπεται Λυδῶν
Χορός
ὄχλος, οἵ τʼ ἐπίπαν ἠπειρογενὲς
κατέχουσιν ἔθνος, τοὺς Μητρογαθὴς
Ἀρκτεύς τʼ ἀγαθός, βασιλῆς δίοποι,
καὶ πολύχρυσοι Σάρδεις ἐπόχους
45
πολλοῖς ἅρμασιν ἐξορμῶσιν,
δίρρυμά τε καὶ τρίρρυμα τέλη,
φοβερὰν ὄψιν προσιδέσθαι.
στεῦται δʼ ἱεροῦ Τμώλου πελάται
ζυγὸν ἀμφιβαλεῖν δούλιον Ἑλλάδι,
50
Μάρδων, Θάρυβις, λόγχης ἄκμονες,
καὶ ἀκοντισταὶ Μυσοί· Βαβυλὼν δʼ
ἡ πολύχρυσος πάμμικτον ὄχλον
πέμπει σύρδην, ναῶν τʼ ἐπόχους
καὶ τοξουλκῷ λήματι πιστούς·
55
τὸ μαχαιροφόρον τʼ ἔθνος ἐκ πάσης
δειναῖς βασιλέως ὑπὸ πομπαῖς.
τοιόνδʼ ἄνθος Περσίδος αἴας
