Stasimon 6
Ξέρξης
δύστηνος ἐγὼ στυγερᾶς μοίρας
τῆσδε κυρήσας ἀτεκμαρτοτάτης,
910
ὡς ὠμοφρόνως δαίμων ἐνέβη
Περσῶν γενεᾷ· τί πάθω τλήμων;
λέλυται γὰρ ἐμοὶ γυίων ῥώμη
τήνδʼ ἡλικίαν ἐσιδόντʼ ἀστῶν.
εἴθʼ ὄφελεν, Ζεῦ, κἀμὲ μετʼ ἀνδρῶν
915
θανάτου κατὰ μοῖρα καλύψαι.
Χορός
ὀτοτοῖ, βασιλεῦ, στρατιᾶς ἀγαθῆς
καὶ περσονόμου τιμῆς μεγάλης,
οὓς νῦν δαίμων ἐπέκειρεν.
ἥβαν Ξέρξᾳ κταμέναν Ἅιδου
σάκτορι Περσᾶν. ᾁδοβάται γὰρ
πολλοὶ φῶτες, χώρας ἄνθος,
925
τοξοδάμαντες, πάνυ ταρφύς τις
μυριὰς ἀνδρῶν, ἐξέφθινται.
