Stasimon 4
[Episode]
ὦ πιστὰ πιστῶν ἥλικές θʼ ἥβης ἐμῆς
Εἴδωλον Δαρείου
Πέρσαι γεραιοί, τίνα πόλις πονεῖ πόνον;
στένει, κέκοπται, καὶ χαράσσεται πέδον.
λεύσσων δʼ ἄκοιτιν τὴν ἐμὴν τάφου πέλας
ταρβῶ, χοὰς δὲ πρευμενὴς ἐδεξάμην.
685
ὑμεῖς δὲ θρηνεῖτʼ ἐγγὺς ἑστῶτες τάφου
καὶ ψυχαγωγοῖς ὀρθιάζοντες γόοις
οἰκτρῶς καλεῖσθέ μʼ· ἐστὶ δʼ οὐκ εὐέξοδον,
ἄλλως τε πάντως χοἰ κατὰ χθονὸς θεοὶ
λαβεῖν ἀμείνους εἰσὶν ἢ μεθιέναι.
690
ὅμως δʼ ἐκείνοις ἐνδυναστεύσας ἐγὼ
ἥκω. τάχυνε δʼ ὡς ἄμεμπτος ὦ χρόνου.
τί ἐστι Πέρσαις νεοχμὸν ἐμβριθὲς κακόν·
[Choral 1]
σέβομαι μὲν προσιδέσθαι,
Χορός
σέβομαι δʼ ἀντία λέξαι
695
σέθεν ἀρχαίῳ περὶ τάρβει.
Δαρεῖος
ἀλλʼ ἐπεὶ κάτωθεν ἦλθον σοῖς γόοις πεπεισμένος,
μή τι μακιστῆρα μῦθον, ἀλλὰ σύντομον λέγων
εἰπὲ καὶ πέραινε πάντα, τὴν ἐμὴν αἰδῶ μεθείς.
Χορός
δίεμαι μὲν χαρίσασθαι,
700