Stasimon 1
[Choral 1]
ἐγὼ δʼ ἂν οὐ κραίνοιμʼ ὑπόσχεσιν πάρος,
Βασιλεύς
ἀστοῖς δὲ πᾶσι τῶνδε κοινώσας πέρι.
[Choral 2]
σύ τοι πόλις, σὺ δὲ τὸ δάμιον.
370
Χορός
πρύτανις ἄκριτος ὤν,
κρατύνεις βωμόν, ἑστίαν χθονός,
μονοψήφοισι νεύμασιν σέθεν,
μονοσκήπτροισι δʼ ἐν θρόνοις χρέος
πᾶν ἐπικραίνεις· ἄγος φυλάσσου.
375
Βασιλεύς
ἄγος μὲν εἴη τοῖς ἐμοῖς παλιγκότοις,
ὑμῖν δʼ ἀρήγειν οὐκ ἔχω βλάβης ἄτερ.
οὐδʼ αὖ τόδʼ εὖφρον, τάσδʼ ἀτιμάσαι λιτάς.
ἀμηχανῶ δὲ καὶ φόβος μʼ ἔχει φρένας
δρᾶσαί τε μὴ δρᾶσαί τε καὶ τύχην ἑλεῖν.
380
Χορός
τὸν ὑψόθεν σκοπὸν ἐπισκόπει,
βροτῶν, οἳ τοῖς πέλας προσήμενοι
δίκας οὐ τυγχάνουσιν ἐννόμου.
μένει τοι Ζηνὸς ἱκταίου κότος
385
δυσπαραθέλκτους παθόντος οἴκτοις.
Βασιλεύς
εἴ τοι κρατοῦσι παῖδες Αἰγύπτου σέθεν
