Stasimon 3
[Choral 1]
λόγῳ μὲν ἐξήκουσʼ, ὄπωπα δʼ οὐ μάλα,
Χορός
τὸν πελάταν λέκτρων ποτὲ τῶν Διὸς
κατὰ δρομάδʼ ἄμπυκα δέσμιον ὡς ἔβαλεν παγκρατὴς Κρόνου παῖς·
680
ἄλλον δʼ οὔτινʼ ἔγωγʼ οἶδα κλύων οὐδʼ ἐσιδὼν μοίρᾳ
θνατῶν, ὃς οὔτʼ ἔρξας τινʼ οὔ τι νοσφίσας,
ἀλλʼ ἴσος ὢν ἴσοις ἀνήρ,
685
πῶς ποτε πῶς ποτʼ ἀμφιπλάκτων ῥοθίων μόνος κλύων,
πῶς ἄρα πανδάκρυτον οὕτω βιοτὰν κατέσχεν·
690
ἵνʼ αὐτὸς ἦν πρόσουρος, οὐκ ἔχων βάσιν,
οὐδέ τινʼ ἐγχώρων κακογείτονα,
παρʼ ᾧ στόνον ἀντίτυπον βαρυβρῶτʼ ἀποκλαύσειεν αἱματηρόν·
ὃς τὰν θερμοτάταν αἱμάδα κηκιομέναν ἑλκέων
φύλλοις κατευνάσειεν, εἴ τις ἐμπέσοι,
φορβάδος ἐκ γαίας ἑλών·
700
παῖς ἄτερ ὡς φίλας τιθήνας ὅθεν εὐμάρειʼ ὑπάρ-
χοι πόρου, ἁνίκʼ ἐξανείη δακέθυμος ἄτα·
705
[Choral 2]
οὐ φορβὰν ἱερᾶς γᾶς σπόρον, οὐκ ἄλλων
Χορός
αἴρων τῶν νεμόμεσθʼ ἀνέρες ἀλφησταί,
πλὴν ἐξ ὠκυβόλων εἴ ποτε τόξων
710
πτανοῖς ἰοῖς ἀνύσειε γαστρὶ φορβάν.
ὃς μηδʼ οἰνοχύτου πώματος ἥσθη δεκέτει χρόνῳ,
λεύσσων δʼ ὅπου γνοίη στατὸν εἰς ὕδωρ,
νῦν δʼ ἀνδρῶν ἀγαθῶν παιδὸς ὑπαντήσας
εὐδαίμων ἀνύσει καὶ μέγας ἐκ κείνων·
720
ὅς νιν ποντοπόρῳ δούρατι, πλήθει
πολλῶν μηνῶν, πατρίαν ἄγει πρὸς αὐλὰν
Σπερχειοῦ τε παρʼ ὄχθας, ἵνʼ ὁ χάλκασπις ἀνὴρ θεοῖς
πλάθει πατρὸς θείῳ πυρὶ παμφαής,