Parodos
[Choral 1]
σῖγα σῖγα, λεπτὸν ἴχνος ἀρβύλης
140
Χορός
τίθετε, μὴ κτυπεῖτʼ.
Ἠλέκτρα
ἀποπρὸ βᾶτʼ ἐκεῖσʼ, ἀποπρό μοι κοίτας.
Ἠλέκτρα
ἆ ἆ σύριγγος ὅπως πνοὰ
145
λεπτοῦ δόνακος, ὦ φίλα, φώνει μοι.
Χορός
ἴδʼ, ἀτρεμαῖον ὡς ὑπόροφον φέρω
κάταγε κάταγε, πρόσιθʼ ἀτρέμας, ἀτρέμας ἴθι·
λόγον ἀπόδος ἐφʼ ὅ τι χρέος ἐμόλετέ ποτε.
150
χρόνια γὰρ πεσὼν ὅδʼ εὐνάζεται.
Χορός
πῶς ἔχει; λόγου μετάδος, ὦ φίλα·
τίνα τύχαν εἴπω; τίνα δὲ συμφοράν;
Ἠλέκτρα
ἔτι μὲν ἐμπνέει, βραχὺ δʼ ἀναστένει.
155
Ἠλέκτρα
ὀλεῖς, εἰ βλέφαρα κινήσεις
ὕπνου γλυκυτάταν φερομένῳ χάριν.
Χορός
μέλεος ἐχθίστων θεόθεν ἐργμάτων,
160
ἄδικος ἄδικα τότʼ ἄρʼ ἔλακεν ἔλακεν, ἀπό-
φονον ὅτʼ ἐπὶ τρίποδι Θέμιδος ἄρʼ ἐδίκασε
φόνον ὁ Λοξίας ἐμᾶς ματέρος.
165
[Choral 2]
ὁρᾷς; ἐν πέπλοισι κινεῖ δέμας.
Ἠλέκτρα
σὺ γάρ νιν, ὦ τάλαινα,
Χορός
εὕδειν μὲν οὖν ἔδοξα.
Ἠλέκτρα
οὐκ ἀφʼ ἡμῶν, οὐκ ἀπʼ οἴκων
170
πάλιν ἀνὰ πόδα σὸν εἱλίξεις
ὑπνοδότειρα τῶν πολυπόνων βροτῶν,
175
ἐρεβόθεν ἴθι, μόλε μόλε κατάπτερος
τὸν Ἀγαμεμνόνιον ἐπὶ δόμον.
ὑπὸ γὰρ ἀλγέων ὑπό τε συμφορᾶς
180
διοιχόμεθʼ, οἰχόμεθα. κτύπον ἠγάγετʼ· οὐχὶ σῖγα
σῖγα φυλασσομένα στόματος
ἄνα κέλαδον ἀπὸ λέχεος ἥ-
185
συχον ὕπνου χάριν παρέξεις, φίλα;
Χορός
θρόει τίς κακῶν τελευτὰ μένει.
Ἠλέκτρα
θανεῖν θανεῖν, τί δʼ ἄλλο;
οὐδὲ γὰρ πόθον ἔχει βορᾶς.
Χορός
πρόδηλος ἆρʼ ὁ πότμος.
190
Ἠλέκτρα
ἐξέθυσʼ ὁ Φοῖβος ἡμᾶς
μέλεον ἀπόφονον αἷμα δοὺς
τεκομένα με μᾶτερ, ἀπὸ δʼ ὤλεσας
πατέρα τέκνα τε τάδε σέθεν ἀφʼ αἵματος·
ὀλόμεθʼ ἰσονέκυες, ὀλόμεθα.
200
σύ τε γὰρ ἐν νεκροῖς, τό τʼ ἐμὸν οἴχεται
βίου τὸ πλέον μέρος ἐν στοναχαῖσί τε καὶ γόοισι
δάκρυσί τʼ ἐννυχίοις, ἄγαμος
205
ἐπὶ δʼ ἄτεκνος ἅτε βίοτον ἁ
μέλεος ἐς τὸν αἰὲν ἕλκω χρόνον.