Şiir 6
quaedam de numero Lamiarum ac nominis Appi
385
et farre et vino Ianum Vestamque rogabat,
an Capitolinam deberet Pollio quercum
sperare et fidibus promittere, quid faceret plus
aegrotante viro, medicis quid tristibus erga
filiolum? stetit ante aram nec turpe putavit
390
pro cithara velare caput dictataque verba
pertulit, ut mos est, et aperta palluit agna.
dic mihi nunc quaeso, die, antiquissime divom,
respondes his, Iane pater? magna otia caeli;
non est, quod video, non est quod agatur aput vos.
395
haec de comoedis te consulit, illa tragoedum
commendare volet, varicosus fiet haruspex.
Sed cantet potius quam totam pervolet urbem
audax et coetus possit quae ferre virorum
cumque paludatis ducibus praesente marito
400
ipsa loqui recta facie siccisque mamillis.
haec eadem novit quid toto fiat in orbe, quid Seres,
quid Thraces agant, secreta novercae
et pueri, quis amet, quis diripiatur adulter;
