urn:cts:greekLit:tlg0062.tlg071.perseus-grc2
Χόρος
οὐ γὰρ ἴσον μακάρων ὀργαῖς θράσος ἐστὶ μερόπων,
320
ὡς Διός, ὡς Δητοῦς, ὡς Παλλάδος, ὡς Πυθίου.
ἤπιον. ὦ πάνδημε, φέροις ἄλγημα, Ποδάγρα,
κοῦφον, ἐλαφρόν, ἄδριμυ, βραχυβλαβές, ἀνώδυνον,
εὔφορον, εὔληκτον, ὀλιγοδρανές, εὐπερίπατον.
Πολλαὶ μορφαὶ τῶν ἀτυχούντων,
325
μελέται δὲ πόνων καὶ τὸ σύνηθες
τοὺς ποδαγρῶντας παραμυθείσθω.
ὅθεν εὐθύμως, ὦ σύγκληροι,
εἰ τὰ δοκηθέντ’ οὐκ ἐτελέσθη,
330
τοῖς δ’ ἀδοκήτοις πόρον εὗρε θεός.
πᾶς δ’ ἀνεχέσθω τῶν πασχόντων
ἐμπαιξόμενος καὶ σκωπτόμενος·
τοῖον γὰρ ἔφυ τόδε πρᾶγμα.
