Metin
fert picturatas auri subtemine vestes,
ornatus Argivae Helenae: qualisque videri
caelicolis et quanta solet Venus aurea contra,
talis erat species, talem se laeta ferebat
ad soceros solioque alte subnixa resedit.
45
AT parte ex alia foribus sese intulit altis
ora puer prima signans intonsa iuventa,
pictus acu chlamydem auratam, quam plurima circum
purpura maeandro duplici Meliboea cucurrit,
et tunicam, molli mater quam neverat auro:
50
os umerosque deo similis lumenque iuventae.
qualis, ubi oceani perfusus Lucifer unda
extulit os sacrum caelo: sic ora ferebat,
sic oculos cursuque amens ad limina tendit.
illum turbat amor figitque in virgine vultus;
55
oscula libavit dextramque amplexus inhaesit.
INCEDUNT pueri pariterque ante ora parentum
dona ferunt, pallam signis auroque rigentem,
munera portantes aurique eborisque talenta
et sellam et pictum croceo velamen acantho,
60
