κατὰ Ἀριστοκράτους

Sections

1 – 3 4 – 6 7 – 9 10 – 13 14 – 16 17 – 18 19 – 22 23 – 25 26 – 28 29 – 32 33 – 37 37 – 39 40 – 41 42 – 45 46 – 49 50 – 53 53 – 55 56 – 58 59 – 62 62 – 63 64 – 65 66 – 67 68 – 70 71 – 73 74 – 75 76 – 78 79 – 80 81 – 83 84 – 86 86 – 88 88 – 91 92 – 94 95 – 97 98 – 101 102 – 104 105 – 107 108 – 110 111 – 113 114 – 116 117 – 119 120 – 122 123 – 125 126 – 127 128 – 130 131 – 133 134 – 137 138 – 140 141 – 142 143 – 145 146 – 148 149 – 150 151 – 153 154 – 155 156 – 157 158 – 160 160 – 162 163 – 164 165 – 167 168 – 170 171 – 173 174 – 176 177 – 179 180 – 182 183 – 185 186 – 188 189 – 191 192 – 194 195 – 197 198 – 200 201 – 203 204 – 206 207 – 209 210 – 212 213 – 215 216 – 218 219 – 220

İngilizce Yunanca

204 τοῦ μέντοι ταῦθʼ οὕτως αἰσχρῶς προεληλυθέναι, εἰ δεῖ μετὰ παρρησίας εἰπεῖν τἀληθῆ, οὐδένες ὑμῶν, ὦ ἄνδρες Ἀθηναῖοι, μᾶλλόν εἰσιν αἴτιοι. οὐδὲ γὰρ δίκην ἔτι λαμβάνειν ἐθέλετε παρὰ τῶν ἀδικούντων, ἀλλὰ καὶ τοῦτʼ ἐξελήλυθεν ἐκ τῆς πόλεως. καίτοι σκέψασθʼ ὡς ἐκόλαζον οἱ πρόγονοι τοὺς ἀδικοῦντας ἑαυτούς, εἰ παραπλησίως ὑμῖν.

205 ἐκεῖνοι Θεμιστοκλέα λαβόντες μεῖζον ἑαυτῶν ἀξιοῦντα φρονεῖν ἐξήλασαν ἐκ τῆς πόλεως καὶ μηδισμὸν κατέγνωσαν· καὶ Κίμωνα, ὅτι τὴν πάτριον μετεκίνησε πολιτείαν ἐφʼ ἑαυτοῦ, παρὰ τρεῖς μὲν ἀφεῖσαν ψήφους τὸ μὴ θανάτῳ ζημιῶσαι, πεντήκοντα δὲ τάλαντʼ ἐξέπραξαν. καὶ τοῦτον τὸν τρόπον προσεφέροντο τηλικαῦτʼ αὐτοὺς ἀγάθʼ εἰργασμένοις ἀνθρώποις. δικαίως· οὐ γὰρ αὐτοῖς ἀπεδίδοντο τὴν αὑτῶν ἐλευθερίαν καὶ μεγαλοψυχίαν τῶν ἔργων, ἀλλὰ χρηστοὺς μὲν ὄντας ἐτίμων, ἀδικεῖν δʼ ἐπιχειροῦσιν οὐκ ἐπέτρεπον.

206 ὑμεῖς δʼ, ὦ ἄνδρες Ἀθηναῖοι, τοὺς τὰ μέγιστʼ ἀδικοῦντας καὶ φανερῶς ἐξελεγχομένους, ἂν ἓν ἢ δύʼ ἀστεῖʼ εἴπωσιν καὶ παρὰ τῶν φυλετῶν τινες ᾑρημένοι σύνδικοι δεηθῶσιν, ἀφίετε· ἂν δὲ καὶ καταψηφίσησθέ του, πέντε καὶ εἴκοσι δραχμῶν ἐτιμήσατε. καὶ γάρ τοι τότε μὲν τὰ μὲν τῆς πόλεως ἦν εὔπορα καὶ λαμπρὰ δημοσίᾳ, ἰδίᾳ δʼ οὐδεὶς ὑπερεῖχε τῶν πολλῶν.

← Previous 71 / 76 Next →

Şifre Yenileme