κατὰ Ἀριστοκράτους

Sections

1 – 3 4 – 6 7 – 9 10 – 13 14 – 16 17 – 18 19 – 22 23 – 25 26 – 28 29 – 32 33 – 37 37 – 39 40 – 41 42 – 45 46 – 49 50 – 53 53 – 55 56 – 58 59 – 62 62 – 63 64 – 65 66 – 67 68 – 70 71 – 73 74 – 75 76 – 78 79 – 80 81 – 83 84 – 86 86 – 88 88 – 91 92 – 94 95 – 97 98 – 101 102 – 104 105 – 107 108 – 110 111 – 113 114 – 116 117 – 119 120 – 122 123 – 125 126 – 127 128 – 130 131 – 133 134 – 137 138 – 140 141 – 142 143 – 145 146 – 148 149 – 150 151 – 153 154 – 155 156 – 157 158 – 160 160 – 162 163 – 164 165 – 167 168 – 170 171 – 173 174 – 176 177 – 179 180 – 182 183 – 185 186 – 188 189 – 191 192 – 194 195 – 197 198 – 200 201 – 203 204 – 206 207 – 209 210 – 212 213 – 215 216 – 218 219 – 220

İngilizce Yunanca

66 τοῦτο μὲν τοίνυν τὰ παλαιά, ὡς ἡμῖν ἀκούειν παραδέδοται, ἐν μόνῳ τούτῳ τῷ δικαστηρίῳ δίκας φόνου θεοὶ καὶ δοῦναι καὶ λαβεῖν ἠξίωσαν καὶ δικασταὶ γενέσθαι διενεχθεῖσιν ἀλλήλοις, ὡς λόγος· λαβεῖν μὲν Ποσειδῶν ὑπὲρ Ἁλιρροθίου τοῦ υἱοῦ παρʼ Ἄρεως, δικάσαι δʼ Εὐμενίσιν καὶ Ὀρέστῃ οἱ δώδεκα θεοί. καὶ τὰ μὲν δὴ παλαιὰ ταῦτα· τὰ δʼ ὕστερον, τοῦτο μόνον τὸ δικαστήριον οὐχὶ τύραννος, οὐκ ὀλιγαρχία, οὐ δημοκρατία τὰς φονικὰς δίκας ἀφελέσθαι τετόλμηκεν, ἀλλὰ πάντες ἀσθενέστερον ἂν τὸ δίκαιον εὑρεῖν ἡγοῦνται περὶ τούτων αὐτοὶ τοῦ παρὰ τούτοις εὑρημένου δικαίου. πρὸς δὲ τούτοις τοιούτοις οὖσιν, ἐνταυθοῖ μόνον οὐδεὶς πώποτʼ οὔτε φεύγων ἁλοὺς οὔτε διώκων ἡττηθεὶς ἐξήλεγξεν ὡς ἀδίκως ἐδικάσθη τὰ κριθέντα.

67 ταύτην τοίνυν τὴν φυλακὴν καὶ τὰς ἐν ταύτῃ νομίμους τιμωρίας παραβὰς ὁ γράφων τὸ ψήφισμα τοδὶ ζῶντι μὲν ἐξουσίαν γέγραφεν τῷ Χαριδήμῳ ποιεῖν ὅ τι ἂν βούληται, παθόντος δέ τι τοῖς οἰκείοις συκοφαντίαν δέδωκεν. σκέψασθε γὰρ οὑτωσί. ἴστε δήπου τοῦθʼ ἅπαντες, ὅτι ἐν Ἀρείῳ πάγῳ, οὗ δίδωσʼ ὁ νόμος καὶ κελεύει τοῦ φόνου δικάζεσθαι, πρῶτον μὲν διομεῖται κατʼ ἐξωλείας αὑτοῦ καὶ γένους καὶ οἰκίας ὅ τινʼ αἰτιώμενος εἰργάσθαι τι τοιοῦτον,

← Previous 22 / 76 Next →

Şifre Yenileme