Περὶ ἀντιδόσεως

Sections

1 – 3 4 – 6 7 – 9 10 – 12 13 – 16 17 – 19 20 – 23 24 – 27 28 – 30 31 – 33 34 – 37 38 – 41 42 – 45 46 – 48 49 – 52 53 – 55 56 – 59 60 – 63 64 – 68 69 – 73 74 – 76 77 – 80 81 – 84 85 – 88 89 – 92 93 – 96 97 – 99 100 – 102 103 – 105 106 – 108 109 – 112 113 – 116 117 – 119 120 – 122 123 – 126 127 – 129 130 – 132 133 – 136 137 – 140 141 – 143 144 – 146 147 – 150 151 – 153 154 – 157 158 – 160 161 – 164 165 – 168 169 – 172 173 – 175 176 – 179 180 – 183 184 – 186 187 – 189 190 – 192 193 – 196 197 – 200 201 – 204 205 – 208 209 – 213 214 – 217 218 – 221 222 – 225 226 – 230 231 – 234 235 – 238 239 – 242 243 – 246 247 – 249 250 – 252 253 – 255 256 – 258 259 – 262 263 – 266 267 – 270 271 – 274 275 – 277 278 – 281 282 – 285 286 – 289 290 – 292 293 – 296 297 – 300 301 – 304 305 – 307 308 – 311 312 – 315 316 – 319 320 – 323

İngilizce İngilizce

187 λέγομεν γὰρ ὡς δεῖ τοὺς μέλλοντας διοίσειν ἢ περὶ τοὺς λόγους ἢ περὶ τὰς πράξεις ἢ περὶ τὰς ἄλλας ἐργασίας πρῶτον μὲν πρὸς τοῦτο πεφυκέναι καλῶς, πρὸς ὃ ἂν προῃρημένοι τυγχάνωσιν, ἔπειτα παιδευθῆναι καὶ λαβεῖν τὴν ἐπιστήμην, ἥτις ἂν ᾗ περὶ ἑκάστου, τρίτον ἐντριβεῖς γενέσθαι καὶ γυμνασθῆναι περὶ τὴν χρείαν καὶ τὴν ἐμπειρίαν αὐτῶν· ἐκ τούτων γὰρ ἐν ἁπάσαις ταῖς ἐργασίαις τελείους γίγνεσθαι καὶ πολὺ διαφέροντας τῶν ἄλλων. εἶναι δὲ τούτων προσῆκον ἑκατέροις,

188 τοῖς τε διδάσκουσι καὶ τοῖς μανθάνουσιν, ἴδιον μὲν τοῖς μὲν εἰσενέγκασθαι τὴν φύσιν οἵαν δεῖ, τοῖς δὲ δύνασθαι παιδεῦσαι τοὺς τοιούτους, κοινὸν δʼ ἀμφοτέρων τὸ περὶ τὴν ἐμπειρίαν γυμνάσιον· δεῖν γὰρ τοὺς μὲν ἐπιμελῶς ἐπιστατῆσαι τοῖς παιδευομένοις, τοὺς δʼ ἐγκρατῶς ἐμμεῖναι τοῖς προσταττομένοις.

189 ταῦτα μὲν οὖν ἐστιν ἃ κατὰ πασῶν λέγομεν τῶν τεχνῶν· εἰ δὲ δή τις ἀφέμενος τῶν ἄλλων ἔροιτό με τί τούτων μεγίστην ἔχει δύναμιν πρὸς τὴν τῶν λόγων παιδείαν, ἀποκριναίμην ἂν ὅτι τὸ τῆς φύσεως ἀνυπέρβλητόν ἐστι καὶ πολὺ πάντων διαφέρει· τὸν γὰρ ἔχοντα τὴν μὲν ψυχὴν εὑρεῖν καὶ μαθεῖν καὶ πονῆσαι καὶ μνημονεῦσαι δυναμένην, τὴν δὲ φωνὴν καὶ τὴν τοῦ στόματος σαφήνειαν τοιαύτην ὥστε μὴ μόνοις τοῖς λεγομένοις ἀλλὰ καὶ ταῖς τούτων εὐαρμοστίαις συμπείθειν τοὺς ἀκούοντας,

← Previous 53 / 88 Next →

Şifre Yenileme