Στρατηγικός

Sections

praef.1 – praef.4 praef.5 – praef.8 praef.9 – 1.5 1.6 – 1.11 1.12 – 1.16 1.17 – 1.21 1.22 – 2.1 2.2 – 3.2 3.3 – 4.3 4.4 – 6.1 6.1 – 6.2 6.3 – 6.5 6.6 – 6.10 6.11 – 6.14 7.1 – 9.1 9.1 – 10.1 10.2 – 10.3 10.4 – 10.6 10.7 – 10.9 10.10 – 10.13 10.14 – 10.15 10.16 – 10.19 10.20 – 10.23 10.24 – 10.27 10.28 – 11.2 11.3 – 11.4 11.5 – 12.1 12.2 – 13.3 14.1 – 14.2 14.3 – 16.1 16.1 – 17.1 18.1 – 19.2 19.3 – 20.2 21.1 – 21.2 21.3 – 21.5 21.6 – 21.8 21.9 – 22.1 22.2 – 22.4 23.1 – 24.1 25.1 – 26.1 26.2 – 29.1 29.2 – 31.1 31.2 – 32.4 32.5 – 32.9 32.10 – 33.2 33.3 – 33.6 34.1 – 34.4 34.5 – 35.3 35.4 – 36.3 36.4 – 37.4 37.5 – 38.5 38.6 – 39.2 39.3 – 40.1 40.1 – 41.1 41.2 – 42.2 42.3 – 42.6 42.7 – 42.11 42.12 – 42.15 42.16 – 42.18 42.19 – 42.21 42.22 – 42.25 42.26 – 42.26

Yunanca

42.3 Πολλῶν δὲ καὶ ποικίλων ἐκ τῶν μηχανῶν πολιορκητηρίων χρήσεται κατὰ δύναμιν ὁ στρατηγός. οὐ γὰρ ἐπʼ ἐμοὶ τὸ λέγειν, ὅτι δεῖ κριοὺς ἔχειν ἢ ἑλεπόλεις ἢ σαμβύκας ἢ πύργους ὑποτρόχους ἢ χελώνας χωστρίδας ἢ καταπέλτας· τῆς γὰρ τῶν πολεμούντων τύχης καὶ πλούτου καὶ δυνάμεως ἴδια ταῦτα καὶ τῆς τῶν ἑπομένων ἀρχιτεκτόνων ἐπινοίας εἰς τὰς ὀργανικὰς κατασκευάς.

42.4 στρατηγοῦ δʼ ἰδίας ἀγχινοίας ἔργον τοιόνδε ἂν εἴη, εἰ βούλοιτο προσβάλλειν μηχανάς· καθʼ ἓν μὲν ἀποχρήσθω μέρος τοῖς ἔργοις αὐτοῖς—οὐδὲ γὰρ ἄλλως ἄν τις εὐπορήσειεν ἐν κύκλῳ παντὶ τῷ τείχει περιστῆσαι μηχανάς, εἰ μὴ πάνυ μικρὰ πόλις εἴη—, εἰς πολλὰ δὲ τάγματα διελὼν τὸ στράτευμα κατὰ τὰ ἄλλα τοῦ τείχους μέρη κελευέτω τὰς κλίμακας προσφέρειν· οὕτως γὰρ εἰς ἀμηχανίαν οἱ πολιορκούμενοι πολλὴν ἐμπίπτουσιν·

42.5 ἄν τε γὰρ ἀμελήσαντες τῶν ἄλλων μερῶν τοῦ τείχους ἐπὶ τὰς προσβολὰς τῶν μηχανῶν ἀμύνωσιν, ἅπαντες οἱ κατὰ τὰς κλίμακας μηδενὸς ἀποκωλύοντος ῥᾳδίως ἐπιβαίνουσι τῶν τειχῶν, ἄν τε διελόντες σφᾶς αὐτοὺς ἐπιβοηθήσωσι κατὰ μέρη, σφοδροτέρας ἐνεργείας γιγνομένης κατὰ τὰς ἐμβολὰς τῶν ὀργάνων οἱ καταλειφθέντες οὐδὲ μάχεσθαι τούτοις τολμήσαντες ἀδυνατήσουσι τὸ ἐπιφερόμενον κακὸν ἀποκρούεσθαι.

42.6 διόπερ καθάπερ ἀγαθὸν παλαιστὴν προδεικνύειν μὲν καὶ σκιάζειν εἰς πολλὰ μέρη δεῖ περισπῶντα καὶ ἐπισφάλλοντα δεῦρο κἀκεῖσε πρὸς πολλὰ τοὺς ἀντιπάλους, ἑνὸς δὲ ζητεῖν ἐγκρατῶς λαβόμενον ἀνατρέψαι τὸ πᾶν σῶμα τῆς πόλεως. δ. Πῶς χρὴ διατελεῖν ἐπείγοντα τὰ τῆς πολιορκίας

← Previous 56 / 62 Next →

Şifre Yenileme