Στρατηγικός

Sections

praef.1 – praef.4 praef.5 – praef.8 praef.9 – 1.5 1.6 – 1.11 1.12 – 1.16 1.17 – 1.21 1.22 – 2.1 2.2 – 3.2 3.3 – 4.3 4.4 – 6.1 6.1 – 6.2 6.3 – 6.5 6.6 – 6.10 6.11 – 6.14 7.1 – 9.1 9.1 – 10.1 10.2 – 10.3 10.4 – 10.6 10.7 – 10.9 10.10 – 10.13 10.14 – 10.15 10.16 – 10.19 10.20 – 10.23 10.24 – 10.27 10.28 – 11.2 11.3 – 11.4 11.5 – 12.1 12.2 – 13.3 14.1 – 14.2 14.3 – 16.1 16.1 – 17.1 18.1 – 19.2 19.3 – 20.2 21.1 – 21.2 21.3 – 21.5 21.6 – 21.8 21.9 – 22.1 22.2 – 22.4 23.1 – 24.1 25.1 – 26.1 26.2 – 29.1 29.2 – 31.1 31.2 – 32.4 32.5 – 32.9 32.10 – 33.2 33.3 – 33.6 34.1 – 34.4 34.5 – 35.3 35.4 – 36.3 36.4 – 37.4 37.5 – 38.5 38.6 – 39.2 39.3 – 40.1 40.1 – 41.1 41.2 – 42.2 42.3 – 42.6 42.7 – 42.11 42.12 – 42.15 42.16 – 42.18 42.19 – 42.21 42.22 – 42.25 42.26 – 42.26

Yunanca

praef.5 οὐ γὰρ τύχῃ μοι δοκοῦσιν ὑπεράραντες τοὺς τῆς Ἰταλίας ὅρους ἐπὶ πέρατα γῆς ἐκτεῖναι τὴν σφετέραν ἀρχήν, ἀλλὰ πράξεσι στρατηγικαῖς. συνεπιλαμβάνεσθαι μὲν γὰρ εὔχεσθαι δεῖ καὶ τὴν τύχην, οὐ μὴν τὸ παράπαν οἴεσθαι ταύτην κρατεῖν.

praef.6 ἀλλʼ ἀνόητοι οἱ καὶ τὰ σφάλματα τῆς τύχης ἐγκλήματα μόνης ποιούμενοι, οὐ τῆς τῶν στρατηγούντων ἀμελείας, καὶ τὰ κατορθώματα ταύτης, οὐ τῆς ἐμπειρίας τῶν ἡγουμένων· οὔτε γὰρ ἐπιεικὲς ἀνεπιτίμητον οὕτως ἀπολιπεῖν τὸν πταίοντα τοῖς ὅλοις, ὡς πάντων αἰτιᾶσθαι τὴν τύχην, οὔτε δίκαιον ἀμάρτυρον ἐπὶ τοσοῦτον ἐπαίνου τὸν κατορθοῦντα περιορᾶν, ἐφʼ ὅσον ἁπάντων ἀνατιθέναι τῇ τύχῃ τὴν χάριν.

praef.7 Ἐπειδὴ δὲ φύσει πάντες ἄνθρωποι τοῖς μὲν δἰ ἐμπειρίας συντετάχθαι δοκοῦσι, κἂν ἀσθενῶς ἀπαγγέλληται, τὸ πιστὸν εἰς ἀλήθειαν ἀπονέμουσιν, τοῖς δὲ ἀπείροις, κἂν ᾖ δυνατὰ πραχθῆναι, διὰ τὸ ἀδοκίμαστον ἀπιστοῦσιν, ἀναγκαῖον ἡγοῦμαι περὶ τῶν ἐν τῷδε τῷ λόγῳ στρατηγημάτων ἠθροισμένων τοσοῦτο προειπεῖν, ὅτι πάντα διὰ πείρας ἔργων ἐλήλυθεν καὶ ὑπὸ ἀνδρῶν τοιούτων, ὧν ἀπόγονον ὑπάρχει Ῥωμαίων ἅπαν τὸ γένει καὶ ἀρετῇ μέχρι τοῦ δεῦρο πρωτεῦον.

praef.8 οὐθὲν γὰρ ἐσχεδιασμένον ἀπολέμῳ καὶ νεωτέρᾳ γνώμῃ τόδε περιέχει τὸ σύνταγμα, ἀλλὰ πάντα διὰ πράξεων καὶ ἀληθινῶν ἀγώνων κεχωρηκότα μάλιστα μὲν Ῥωμαίοις· ἅ τε γὰρ ποιήσαντες ἐφυλάξαντο παθεῖν καὶ δἰ ὧν ἐμηχανήσαντο δρᾶσαι, πάντα μοι συνείλεκται.

← Previous 2 / 62 Next →

Şifre Yenileme