Τέχνη τακτική

Sections

argument.chap_heads – 1.1 1.2 – 1.2 1.3 – 2 2.1 – 2.3 2.4 – 2.6 2.7 – 2.8 2.9 – 2.9 2.10 – 3.1 3.2 – 3.5 3.6 – 4.3 4.4 – 5.1 5.2 – 6.2 6.3 – 7.1 7.2 – 7.3 7.4 – 7.5 7.6 – 7.6 7.7 – 7.7 7.8 – 7.9 7.10 – 10 10.1 – 10.3 10.4 – 10.7 10.8 – 10.10 10.11 – 10.13 10.13 – 10.14 10.15 – 10.16 10.17 – 10.19 10.20 – 11 11.1 – 11.3 11.4 – 11.7 11.8 – 12.3 12.4 – 12.7 12.8 – 12.10 12.10 – 12.11 12.11 – 12.11

Yunanca

4.4 ἐπεὶ οὖν χίλιοι εἴκοσι τέσσαρές εἰσιν οἱ κατὰ μέτωπον τῆς φάλαγγος ἀφωρισμένοι λοχαγοί, δῆλον ὅτι τεταγμένοι μὲν ἐφέξουσι πήχεις ἓξ καὶ ἐνενήκοντα καὶ τετρακισχιλίους, ὅπερ ἐστὶ στάδια δέκα καὶ πήχεις ἐνενήκοντα ἕξ, πεπυκνωκότες δὲ σταδίους πέντε καὶ πήχεις μη, συνησπικότες δὲ σταδίους δύο καὶ ἥμισυ καὶ πήχεις εἴκοσι τέσσαρας, πρὸς ὅ σε δεήσει καὶ τῶν χωρίων τὰς ἐκλογὰς ποιεῖσθαι.

Περὶ ὅπλων ἰδέας τε καὶ συμμετρίας

5.1 τῶν δὲ φάλαγγος ἀσπίδων ἀρίστη ἡ Μακεδονικὴ χαλκῆ ὀκτωπάλαιστος, οὐ λίαν κοίλη· δόρυ δὲ αὖ οὐκ ἔλαττον δεκαπήχεος, ὥστε τὸ προπῖπτον αὐτοῦ εἶναι οὐκ ἔλαττον ἢ ὀκτάπηχυ, οὐ μὴν οὐδὲ μεῖζον ἐτέλεσαν δύο καὶ δέκα πηχέων, ὥστε τὴν πρόπτωσιν εἶναι δεκάπηχυν, ᾧ δὴ καὶ ἡ Μακεδονικὴ φάλαγξ χρωμένη ἐν καταπύκνῳ στάσει ἀνύποιστος εἶναι ἐδόκει τοῖς πολεμίοις. εὔδηλον γάρ, ὅτι τῶν μέχρι τοῦ πέμπτου ζυγοῦ τὰ δόρατα προπίπτει τοῦ μετώπου· οἱ μὲν γὰρ ἐν τῷ δευτέρῳ ζυγῷ πήχεσι δυσὶν ὑποβεβηκότες ὀκτὼ πηχέων τὴν τοῦ μετώπου ποιοῦνται πρόπτωσιν, ἓξ δὲ οἱ ἐν τῷ τρίτῳ ζυγῷ, οἱ δʼ ἐν τῷ τετάρτῳ τεσσάρων, δύο δὲ οἱ ἐν τῷ πέμπτῳ, προβεβλημέναι δὲ τοῦ πρώτου ζυγοῦ πέντε σάρισσαι.

← Previous 11 / 34 Next →

Περὶ ὅπλων ἰδέας τε καὶ συμμετρίας

Şifre Yenileme