Thesauros › Literature › Lyric Poetry › Silvae

Silvae

←
Silvae Statius, P. Papinius (Publius Papinius)
LAT
Bölümler
Şiir pr 1–1 Şiir 1 1–107 Şiir 2 1–277 Şiir 3 1–110 Şiir 4 1–131 Şiir 5 1–65 Şiir 6 1–102 Şiir pr 1–1 Şiir 1 1–234 Şiir 2 1–155 Şiir 3 1–77 Şiir 4 1–37 Şiir 5 1–30 Şiir 6 1–105 Şiir 7 1–135 Şiir pr 1–1 Şiir 1 1–186 Şiir 2 1–143 Şiir 3 1–216 Şiir 4 1–106 Şiir 5 1–112 Şiir pr 1–1 Şiir 1 1–47 Şiir 2 1–67 Şiir 3 1–163 Şiir 4 1–105 Şiir 5 1–60 Şiir 6 1–109 Şiir 7 1–56 Şiir 8 1–62 Şiir 9 1–55 Şiir pr 56–56 Şiir 1 1–262 Şiir 2 1–180 Şiir 3 1–293 Şiir 4 1–19 Şiir 5 1–87 Şiir post 1–4
Latince

Şiir 1

 
et colis exsequias. hic est castissimus ardor,
 
hic amor a domino meritus censore probari.
 
Nec mirum, si vos collato pectore mixtos
 
iunxit inabrupta Concordia longa catena,
 
illa quidem nuptumque prior taedasque marito 45
 
passa alio, sed te ceu virginitate iugatum
 
visceribus totis animaque amplexa fovebat;
 
qualiter aequaevo sociatam palmite vitem
 
ulmus amat miscetque nemus ditemque precatur
 
autumnum et caris gaudet redimita racemis. 50
 
laudantur proavis seu pulchrae munere formae,
 
quae morum caruere bonis, falsoque potentes
 
laudis egent verae: tibi quamquam et origo niteret
 
et felix species multumque optanda maritis,
 
ex te maior honos, unum novisse cubile, 55
 
unum secretis agitare sub ossibus ignem,
 
illum nec Phrygius vitiasset raptor amorem
 
Dulichiive proci nec qui fraternus adulter
 
casta Mycenaeo conubia polluit auro.
 
si Babylonos opes, Lydae si pondera gazae 60
← Önceki Şiir 1 · 3 / 14 Sonraki →

nav.navigate

Symposion Agora CAT Silenos Khaire Kerameikos Publications Angelos Keryks Skolia nav.sepet nav.docs

nav.identity

common.settings

common.language
TR EN
common.theme