de Origine et Situ Germanorum Liber

Sections

1.1 – 2.4 2.5 – 4.1 4.2 – 5.5 6.1 – 6.6 7.1 – 8.3 9.1 – 10.4 10.5 – 11.6 12.1 – 13.3 13.4 – 14.4 15.1 – 16.3 16.4 – 18.2 18.3 – 19.5 20.1 – 21.2 21.3 – 23.1 23.2 – 25.3 26.1 – 28.1 28.2 – 29.2 29.3 – 30.2 30.3 – 32.2 32.3 – 34.2 34.3 – 36.3 37.1 – 37.6 38.1 – 39.4 40.1 – 41.1 41.2 – 43.3 43.4 – 44.2 44.3 – 45.5 45.6 – 46.2 46.3 – 46.6

46.3 Fennis mira feritas, foeda paupertas: non arma, non equi, non penates; victui herba, vestitui pelles, cubile humus: solae in sagittis spes, quas inopia ferri ossibus asperant. idemque venatus viros pariter ac feminas alit; passim enim

46.4 comitantur partemque praedae petunt. nec aliud infantibus ferarum imbriumque suffugium quam ut in aliquo ramorum nexu contegantur; huc redeunt iuvenes, hoc senum receptaculum.

46.5 sed beatius arbitrantur quam ingemere agris, inlaborare domibus, suas alienasque fortunas spe metuque versare: securi adversus homines, securi adversus deos rem difficillimam adsecuti sunt, ut illis ne voto quidem opus

46.6 esset. cetera iam fabulosa: Hellusios et Oxionas ora hominum vultusque, corpora atque artus ferarum gerere: quod ego ut incompertum in medio relinquam.