Book 2
2.82
Itaque ille ablegato equo similis furenti primam in aciem procurrit. Ibi prensare fugientis, confirmare Romanae: romae B. deliberare: liberare B. Caesar sive: caesaris sue B: cesar sui L. respectu: respectum B: respectus NL. et Iahnius: sed codd. hic NL: in hic B. illud? novissime: illum novissime B: novissime illud NL. fugerant Heinsius: fugerat codd. signiferos, orare hortari increpare, per totum denique agmen oculis manibus clamore volitare.
2.83
Dicitur in illa perturbatione et de extremis agitasse secum manifestoque voltu fuisse, quasi occupare mortem manu vellet; nisi cohortes hostium quinque per trans-versam aciem actae, quas Labienus periclitantibus castris praesidio miserat, speciem fugae praebuissent.
2.84
Hoc aut et ipse credidit aut dux callidus arripuit in occasionem, et quasi in fugientes et iam victos simul et suorum erexit animos et hostis perculit. Nam et hi, dum se putant vincere, fortius sequi, et Pompeiani, dum fugere credunt suos, fugere coeperunt.
2.85
Quanta fuerit hostibus caedendis ira rabies-que victoribus, sic aestimare posses, quod a proelio profugi cum se Mundam recepissent, et Caesar obsideri statim victos imperasset, congestis cadaveribus agger effectus est, quae pilis tragulisque confixa inter se tenebantur,—foedum etiam in barbaros.
2.86
Sed videlicet victoriam desperantibus Pompei liberis, Gnaeum proelio profugum, crure saucium, deserta et avia petentem Caesonius apud Lauronem oppidum consecutus, pugnantem—adeo nondum desperabat—interfecit;
