Şiir 1
scimus ab imperio fieri nil tale Dianae :
unde tamen vivat, vaticinator habet,
ipsa movent animos superorum numina nostros,
turpe nec est tali credulitate capi.
en ego pro sistro Phrygiique foramine buxi
45
gentis Iuleae nomina sancta fero.
vaticinor moneoque. locum date sacra ferenti!
non mihi, sed magno noscitur ille deo.
nec quia vel merui vel sensi principis iram,
a nobis ipsum ipsum illum nolle putate coli.
50
vidi ego linigerae lanigerae numen violasse fatentem
Isidis Isiacos ante sedere focos,
alter, ob huic similem privatus lumine culpam,
clamabat media se meruisse via.
talia caelestes fieri praeconia gaudent,
55
ut sua quid valeant numina teste probent.
saepe levant poenas ereptaque lumina reddunt,
eum bene peccati paenituisse vident.
paenitet, o! si quid miserorum creditur ulli,
paenitet, et facto torqueor ipse meo.
60
