Kitap 5
exagitant et Lar et turba Diania fures:
pervigilantque Lares pervigilantque canes,
bina gemellorum quaerebam signa deorum
viribus annosae facta caduca morae:
mille Lares Geniumque ducis, qui tradidit illos,
145
urbs habet, et vici numina trina colunt,
quo feror? Augustus mensis mihi carminis huius
ius habet: interea Diva canenda Bona est.
est moles nativa loco, res nomina fecit:
appellant Saxum; pars bona montis ea est.
150
huic Remus institerat frustra, quo tempore fratri
prima Palatinae signa dedistis aves.
templa Patres illic oculos exosa viriles
leniter acclini constituere iugo.
dedicat haec veteris Clausorum nominis heres,
155
virgineo nullum corpore passa virum:
Livia restituit, ne non imitata maritum
esset et ex omni parte secuta suum.
Postera cum roseam pulsis Hyperionis astris
in matutinis lampada tollet equis,
160
