Kitap 1
ipse solum colui, cuius placidissima laevum
radit harenosi Thybridis unda latus,
hic, ubi nunc Roma est, incaedua silva virebat,
tantaque res paucis pascua bubus erat.
arx mea collis erat, quem volgus nomine nostro
245
nuncupat, haec aetas Ianiculumque vocat,
tunc ego regnabam, patiens cum terra deorum
esset, et humanis numina mixta locis,
nondum Iustitiam facinus mortale fugarat
(ultima de superis illa reliquit humum),
250
proque metu populum sine vi pudor ipse regebat;
nullus erat iustis reddere iura labor,
nil mihi cum bello: pacem postesque tuebar
et’ clavem ostendens haec ait arma gero.
presserat ora deus. tunc sic ego nostra resolvi
255
voce mea voces eliciente dei:
‘cum tot sint Iani, cur stas sacratus in uno,
hic ubi iuncta foris templa duobus habes?’
ille manu mulcens propexam ad pectora barbam
protinus Oebalii rettulit arma Tati,
260
