Kitap 2
ergo finita distant ratione creata,
ancipiti quoniam mucroni utrimque notantur,
520
hinc flammis illinc rigidis infesta pruinis.
Quod quoniam docui, pergam conectere rem quae
ex hoc apta fidem ducat, primordia rerum,
inter se simili quae sunt perfecta figura,
infinita cluere. etenim distantia cum sit
525
formarum finita, necesse est quae similes sint
esse infinitas aut summam materiai
finitam constare, id quod non esse probavi.
versibus ostendam corpuscula materiai
ex infinito summam rerum usque tenere
530
undique protelo plagarum continuato.
nam quod rara vides magis esse animalia quaedam
fecundamque magis naturam cernis in illis,
at regione locoque alio terrisque remotis
multa licet genere esse in eo numerumque repleri;
535
sicut quadripedum cum primis esse videmus
in genere anguimanus elephantos, India quorum
