Perde 2
[Textpart 1]
per hortum transiluit ad nos. eum volo convenire.
Astaphivm
sed est huic unus servos violentissimus,
250
qui ubi quámque nostrarum videt prope hasce aédis adgrediri,
item ut de frumento anseres, clamore absterret abigit;
ita est agrestis. sed fores, quidquid ést futurum, feriam.
ecquis huíc tutelam ianuae gerit? ecquis intus exit?
[Textpart 2]
Quís illic est qui tam proterve nostras aedis arietat?
Astaphivm
Ego sum, respice ad me.
Trvcvlentvs
Quid ego? nonne egó videor tibi?
quid tibi ad hasce accessio aedis est prope aut pultatio?
Trvcvlentvs
Sat mihi est tuae salutis. nil moror. non salveo?
aegrotare malim quam esse tua salute sanior.
260
sed volo scíre, quid debetur hic tibi nostrae domi?
Astaphivm
Comprime sis eiram.
Trvcvlentvs
Eam quidem hercle tu, quae solita es, comprime,
impudens, quae per ridiculum rustico suades stuprum.
Astaphivm
Eiram dixi: ut decepisti! dempsisti unam litteram.
nimis quidem hic truculentust.
265
Trvcvlentvs
Pergin male loqui, mulier, mihi?
265
