Perde 2
[Textpart 7]
nám iam de hoc obsónio de mína deminui uná modo
Cyamvs
quínque nummos: míhi detraxi pártem Herculáneam.
nam hoc adsimile est quasi de fluvio quí aquam derivat sibi:
nisi derivetur, tamen omnis ea aqua ábeat in mare;
nam hoc in mare abit misereque perit sine bona omni gratia.
565
haec cúm video fierí, suffuror súppilo,
meretrícem ego item esse reór, mare ut est:
quod dés devorát nec datís umquam abúndat.
hoc sáltem: rem sérvat nec úlli ubi sit appáret:
570
dés quantumvis, nusquam apparet, neque datori neque acceptrici.
velut haéc meretrix meum erúm miserum sua blánditia
paene íntulit in paupériem:
privábit bonís, luce, honóre atque amícis.
áttat, eccam adest propinque. credo audisse haec me loqui.
575
pallida est, ut peperit puerum. ádloquar quasi nesciam.
Phronesivm
Noster Cyame, quid agis? ut vales?
Cyamvs
Valeo, et venio ad minus valentem, et melius qui valeat fero.
erus meús, ocellus tuos, ád te ferre me haec iussit tibi
