Perde 4
[Textpart 2]
Quíd ergo ille ignavissumus
Sycophanta
mihi latitabat?
Charmides
Si appellasses, respondisset, nomine.
Sycophanta
Pol illúm reliqui ad Rhadamantem in Cecropia insula.†
Charmides
Quis homo est me insipientior, qui ipse, egomet ubi sim, quaeritem?
sed nil disconducit huic rei. quid ais? quid hoc quod te rogo?
930
Sycophanta
Nimium mirimodis mirabiles.
Charmides
Lubet audire, nisi molestumst.
Sycophanta
Quin discupio dicere.
omnium prímum in Pontum advecti ad Arabiam terram sumus.
Charmides
Eho an etiam Arabiast in Ponto?
Sycophanta
Est: non illa ubi tus gignitur,
sed ubi apsinthium fit atque cunila gallinacea.
935
Charmides
Nimium graphicum hunc nugatorem. sed ego sum insipientior,
qui egomet unde redeam hunc rogitem, quae ego sciam atque hic nesciat;
nisi quia lubet experiri, quo evasurust denique.
sed quid ais? quo inde isti porro?
Sycophanta
Si animum advortes, eloquar.
