Perde 4
[Textpart 2]
Ne tu me edepol arbitrare beluam,
Sycophanta
qui quidem nón novisse possim quicum aetatem exegerim.
an ille tam esset stultus, qui mihi mille nummum crederet
Philippum, quod me aurum deferre iussit ad gnatum suom
955
atque ad amicum Calliclem, quoi rem aibat mandasse hic suam?
mihi concrederet, nisi me ille ét ego illum nossem approbe?
Charmides
Enim vero ego nunc sycophantae huic sycophantari volo,
si hunc possum illo mille nummum Philippum circumducere,
quod sibi me dedisse dixit, quem ego qui sit homo nescio
960
neque oculis ante hunc diem umquam vidi. eine aurum crederem,
quoi, si capitis res sit, nummum numquam credam plumbeum?
adgrediundust hic homo mi astu. heus, Pax, te tribus verbis volo.
Sycophanta
Vel trecentis.
Charmides
Haben tu id aurum quod accepisti a Charmide?
Sycophanta
Atque etiam Philippúm, numeratum illius in mensa manu,
965
Charmides
Nempe ab ipso id accepisti Charmide?
Sycophanta
Mirum quin ab avo eius aut próavo acciperem, qui sunt mortui.
Charmides
Adulescens, cedo dum istuc aurum mi.
Sycophanta
Quod ego aurum dem tibi?
