Perde 3
[Textpart 1]
Quó modo tu istuc, Stasime, dixti?
Stasimvs
Nostrum erilem filium
Lesbonicum suam sororem despondisse. em hoc modo.
Callicles
Cuí homini despondit?
Stasimvs
Lysiteli Philtonis filio,
Callicles
Sine dote ille illam in tantas divitias dabit?
605
Stasimvs
At tu édepol nullus creduas.
si hoc non credis, ego credidero—
Stasimvs
Me nihili pendere.
Callicles
Quam dudum istuc aut ubi actumst?
Stasimvs
Ilico hic ante ostium,
tam modo, inquit Praenestinus.
Callicles
Tanton in re perdita,
quam in re salva Lesbonicus factus est frugalior?
610
Stasimvs
Atque equidem ipsus ultro venit Philto oratum filio.
Callicles
Flagitium quidem hercle fiet, nisi dos dabitur virgini.
postremo edepol ego istam rem ad me áttinere intellego.
