Perde 2
Stasimvs
Vt quidem illud perierit.
Lesbonicvs
Factum id quoque est.
nam nunc eum vidi miserum et me eius miseritumst.
430
Stasimvs
Miseret te aliorum, tui nec miseret nec pudet.
Lesbonicvs
Éstne hic Philto qui advenit?
Stasimvs
Edepol né ego istum velim
meum fíeri servom cum suo peculio.
Philto
Erum atque servom plurumum Philto iubet
435
salvere, Lesbonicum et Stasimum.
tibi, Philto, quaequomque optes. quid agit filius?
Lesbonicvs
Edepol mutuom mecum facit.
Stasimvs
Nequam illud verbumst bene volt, nisi qui bene facit.
ego quoque volo esse liber: nequiquam volo;
440
hic postulet frugi esse: nugas postulet.
Philto
Meus gnátus me ad te misit, inter te atque nos
