Perde 1
[Textpart 2]
Vbi nunc adulescens habet?
Callicles
Posticulum hoc recepit, quom aedis vendidit.
Megaronides
Istuc volebam scire. i sane nunciam.
195
sed quid ais? quid nunc virgo? nempe apud te ést?
iuxtaque eam cúro cum mea.
Callicles
Numquid, prius quam abeo, me rogaturu's rogaturus es ?—
nihil est profecto stultius neque stolidius
neque mendaciloquius neque argutum magis,
200
neque confidentiloquius neque peiurius,
quam urbani assidui cives, quos scurras vocant.
atque egomet me adeo cum illis una ibidem traho,
qui illorum verbis falsis acceptor fui,
qui omnia se simulant scire neque quicquam sciunt.
205
quod quísque in animo habet aut habiturust sciunt,
sciunt íd quod in aurem rex reginae dixerit,
sciunt quod Iuno fabulatast cum Iove;
quae neque futura neque sunt, tamen illi sciunt.
