Perde 5
[Textpart 5]
Ei mihi, bene ego dispereo. quid ais?
Stichvs
Ita me di ament, numquam enim fíet hodie, haec quin saltet tamen.
age, mulsa mea suavitudo, salta: saltabo ego simul.
755
Sangarinvs
Numquam edepol med istoc vinces, quin ego ibidem pruriam.
Stephanivm
Siquidem mihi saltandum est, tum vos date bibat tibicini.
Sangarinvs
Tene, tibicen, primum; postidea loci
si hoc eduxeris, proinde ut consuetu's consuetus es antehac, celeriter
lepidam et suavem cantionem aliquam occupito cinaedicam,
760
ubi perpruriscamus usque ex unguiculis. inde huc aquam.
[Textpart 6]
tene tu hóc, educe. dudum placuit potio:
Sangarinvs
nunc minus gravate iam accipit. tene tu. interim,
meus oculus, da mihi savium, dum illic bibit.
Stichvs
Prostibilest tandem? stantem stanti savium
765
dare amicum amicae? euge euge, sic furi datur.
Sangarinvs
Age, iam infla buccas, nunciam aliquid suaviter.
redde cántionem veteri pro vino novam.
[Textpart 7]
qui Iónicus aut cinaédicust, qui hoc tále facere póssiet?
Stichvs
Si istóc me vorsu víceris, alió me provocáto:
770
