Perde 4
[Textpart 2]
edepol ne ego nunc mihi medimnum mille esse argenti velim.
Epignomvs
Quid eo tibi opust?
Gelasimvs
Hunc hercle ad cenam ut vocem, te non vocem.
Epignomvs
Advorsum te fabulare.
Gelasimvs
Illud quidem, ambos ut vocem;
et equidem simitu hau maligne vos invitassem domum
590
ad me, sed mihi ipsi domi meae nihil est. atque hoc scitis vos.
Epignomvs
Edepol te vocem lubenter, si superfiat locus.
Gelasimvs
Quin tum stans obstrusero aliquid strenue.
Epignomvs
Immo unum hoc potest.
Epignomvs
Vbi convivae abierint, tum venias.
Gelasimvs
Vae aetati tuae.
Epignomvs
Vasa lautum, non ad cenam dico.
595
Gelasimvs
Di te perduint.
595
Pamphilippvs
Ad cenam hercle alio promisi foras.
Pamphilippvs
Foras hércle vero.
Gelasimvs
Qui malum tíbi lasso libet
