Perde 4
[Textpart 1]
nam ita me absente familiarem rem uxor curavit meam,
525
Epignomvs
omnium me éxilem atque inanem fecit aegritudinum.
sed eccum fratrem Pamphilippum, incedit cum socero suo.
Pamphilippvs
Quid agitur, Epignome?
Epignomvs
Quid tu? quam dudum in portum venis?
Pamphilippvs
Hau longissume.
Epignomvs
Postilla iam iste est tranquillus tibi?
Antipho
Magis quam mare quo ambo estis vecti.
530
Epignomvs
Facis ut alias res soles.
530
hodiene exoneramus navem, frater?
Pamphilippvs
Clementer volo.
nos potius oneremus nosmet vícissatim voluptátibus.
quam mox coctast cena? inpransus ego sum.
Epignomvs
Abi intro ad me et lava.
Pamphilippvs
Deos salutatum atque uxorem módo intro devortor domum;
haec si ita ut volo conficio, continuo ad te transeo.
535
Epignomvs
Apud nos eccillam festinat cum sorore uxor tua.
Pamphilippvs
Optumest, iam istoc morai minus erit. iam ego apud te ero.
Antipho
Prius quam abis, praesente ted huic apologum agere unum volo.
