Perde 1
[Textpart 2]
Hau male istuc. age tu altera, utra sit condicio pensior,
Antipho
virginemne an viduam habere?
Soror
Quanta méa sapientiast,
ex malis multis malum quod minimumst, id minimest malum.
120
Antipho
Qui potest mulier vitare vitiis?
pridie caveat ne faciat quod pigeat postridie.
Antipho
Quae tibi muliér videtur multo sapientissuma?
Panegyris
Quae tamen, cum res secundae sunt, se poterit noscere,
et illa quae aequo animo patietur sibi esse peius quam fuit.
125
Antipho
Edepol vos lepide temptavi vostrumque ingenium ingeni.
sed hoc est quod ad vos venio quodque esse ambas conventas volo:
mi auctores ita sunt amici, ut vos hinc abducam domum.
Soror
At enim nos, quarum res agitur, aliter auctores sumus.
nam aut olim, nisi tibi placebant, non datas oportuit,
130
aut nunc non aequomst abduci, pater, illisce apsentibus.
Antipho
Vosne ego patiar cum mendicis nuptas me vivo viris?
Soror
Placet ille meus mihi mendicus: suos rex reginae placet.
idem animust in paupertate qui olim in divitiis fuit:
Antipho
Vosne latrones et mendicos homines magni penditis?
135
