Perde 1
[Textpart 3]
Malum quidem sí vis—
Gelasimvs
Haec eadem dicit tibi.
Crocotivm
Quid nunc? ituru's iturus es an non?
Gelasimvs
Abi sane domum,
iam illo venturum dicito. propera atque abi.—
demiror quid illaec me ad se arcessi iusserit,
quae numquam iussit me ad se arcessi ante hunc diem,
postquam vir abiit eius. miror quid siet,
nisi ut periclum fiat: visam quid velit.
sed eccum Pinacium eius puerum. hoc vide,
270
satin ut facete, aeque atque ex pictura, astitit?
ne iste edepol vinum poculo pauxillulo
saepe exanclavit submerum scitissume.
