Perde 5
[Textpart 2]
Per Venerem hanc iurandum est tibi.
Labrax
Praei vérbis quidvis. íd quod domi est, numquam ulli supplicabo.
1335
Gripvs
Deiera te mi argentum daturum
eodém die, tui viduli ubi sis potitus.
Gripvs
Venus Cýrenensis, testem te testor mihi,
si vidulum illum, quém ego in navi perdidi,
cum auro atque argento salvom investigavero
1340
isque in potestatem meam pervenerit,
tum ego húic Gripo, ínquito, et me tangito—
Labrax
Tum ego húic Gripo (dico, Venus, ut tu audias)
talentum argenti magnum continuo dabo.
Gripvs
Si quid fraudassis, dic ut te in quaestu tuo
1345
Venus eradicet, caput atque aetatem tuam.
tecum hoc habeto tamen, ubi iuraveris.
Labrax
Illaec advorsum si quid peccasso, Venus,
