Perde 4
[Textpart 3]
Verba facimus, it dies.
Trachalio
vide sis, cuius arbitratu nos vis facere.
arbitratu. ita enim vero.
Trachalio
Tu istunc hodie non feres, nisi das sequestrum aut arbitrum,
quoius haec res arbitratu fiat.
1005
Gripvs
Quaeso, sanus es?
1005
Trachalio
Elleborosus sum.
Gripvs
At ego cerritus, hunc non amittam tamen.
Trachalio
Verbum etiam adde unum, iam in cerebro colaphos apstrudam tuo;
iam ego te hic, itidem quasi peniculus novos exurgeri solet,
ni hunc amittis, exurgebo quidquid umoris tibist.
Gripvs
Tange: adfligam ad terram te itidem ut piscem soleo polypum.
1010
Trachalio
Quid opust? quin tu potius praedam divide.
Gripvs
Hinc tu nisi malum frunisci nil potes, ne postules.
Trachalio
At ego hinc offlectam navem, ne quo abeas. mane.
