Perde 4
[Textpart 4]
Cape dum, hunc si potes fer intro vidulum, age, Trachalio.
Trachalio
Ecce Gripi scelera. cum istaec res male evenit tibi,
Daemones
Age eamus, mea gnata, ad matrem tuam,
quae ex te poterit argumentis hanc rem magis exquirere,
1180
quae te magis tractavit magisque signa pernovit tua.—
Trachalio
Eamus intro ómnes, quando óperam promiscam damus.—
Palaestra
Sequere me, Ampelisca.—
Ampelisca
Cum te di amant, voluptati est mihi.—
Gripvs
Sumne ego sceléstus, qui illunc hodie excepi vidulum?
aut cum excepi, qui non alicubi in solo abstrusi loco?
1185
credebam edepol turbulentam praedam eventuram mihi,
quia illa mihi tam turbulenta tempestate evenerat.
credo edepol ego illic inesse argenti et auri largiter.
quid meliust, quam ut hinc intro abeam et me suspendam clanculum,
saltem tantisper dum abscedat haec a me aegrimonia?—
1190
[Textpart 5]
Pro di immortales, quis me est fortunatior,
Daemones
qui ex improviso filiam inveni meam?
satin si cui homini dei esse bene factum volunt,
aliquo illud pacto optingit optatum piis?
