Perde 4
[Textpart 4]
haec Athenis parva fúit virgo surpta.
1105
quid id ad vidulum pertinet, servae sint istae an fuerint liberae?
Trachalio
Omnia iterum vis memorari, scelus, ut defiat dies.
Daemones
Apstine maledictis et mihi quod rogavi dilue.
Trachalio
Cistellam isti inesse oportet caudeam ín isto vidulo,
ubi sunt signa qui parentes noscere haec possit suos,
1110
quibuscum periit parva Athenis, sicuti dixi prius.
Gripvs
Iuppiter te dique perdant. quid ais, vir venefice?
quid, istae mutae sunt, quae pro se fabulari non queant?
Trachalio
Eo tacent, quia tacitast melior mulier semper quam loquens.
Gripvs
Tum pol tu pro portione nec vir nec mulier mihi es.
1115
Gripvs
Quia enim neque loquens es neque tacens umquam bonus.
quaeso, enumquam hodie licebit mihi loqui?
unum verbum faxis hodie, ego tibi comminuam caput.
Trachalio
Vt id occepi diceré, senex, eam te quaeso cistulam
ut iubeas hunc reddere illis; ob eam si quid postulat
1120
sibi mercedis, dabitur: aliud quidquid ibi est habeat sibi.
